Ուկրաինացի հայտնի լրագրող Դմիտրի Գորդոնին թույլ չեն տվել մեկնել Լեհաստան

Ուկրաինացի հեռուստահաղորդավար և լրագրող Դմիտրի Գորդոնը չի կարողացել հատել ուկրաինալեհական սահմանը՝ չնայած երկրից դուրս գալու թույլտվությանը։ Այս մասին հայտնում են տեղական մի շարք լրատվամիջոցներ։ Ենթադրվում է, որ լրագրողը պետական ​​դավաճանության գործով մեղադրյալ է։

Գորդոնն ավելի վաղ մեկնաբանել էր լուրերն այն մասին, որ իրեն շուտով կարող են մեղադրանք առաջադրել դավաճանության մեջ՝ այդ տեղեկատվության տարածողներին անվանելով «շիզոֆրենիկներ» և «ուղեղից հիվանդներ»։ Նրա կարծիքով, իրադարձությունների նման զարգացմամբ շահագրգռված են «ռուսական գործակալները»։

Մոսկվայի Բասմանի դատարանը նախկինում հեռակա ձերբակալել էր Գորդոնին՝ ռուսական բանակի մասին կեղծ տեղեկություններ տարածելու և ծայրահեղական կազմակերպություն ստեղծելու համար։