Զելենսկիին քննադատել են պատերազմի ժամանակ ամերիկացի դերասանուհու հետ հանդիպման համար

Ամերիկյան դերասանուհի Ջեսիկա Չեսթեյնի՝ Կիև կատարած այցի մասին New York Post թերթի նյութը բացասական արձագանք է առաջացրել պարբերականի ընթերցողների շրջանում։ Նրա ուղևորության և Ուկրաինայի նախագահ Վոլոդիմիր Զելենսկու հետ հանդիպման մասին հոդվածի մեկնաբանություններում շատ օգտատերեր քննադատել են Ուկրաինայի առաջնորդին պետության տարածքում ռազմական գործողությունների ժամանակ հայտնի մարդկանց հյուրընկալելու համար։

«Նորից ասեք ինձ, թե ինչու ենք Զելենսկիին ուղարկում միլիարդավոր մեր հարկերը, երբ նա զբաղված է պատերազմական գոտում դերասանուհիներին զվարճացնելով»,֊ գրել է օգտատերերից մեկը։

Միաժամանակ, Ջուզեպպե Ֆրանկո անունով օգտատերը հայտարարել է, որ Չեսթեյնի՝ Կիև այցի պատճառով պատրաստ է փոխել իր դիրքորոշումը Ռուսաստանի նկատմամբ։ Նրա խոսքով՝ դերասանուհին «զզվելի պրոգրեսիստների» ներկայացուցիչ է, ուստի այժմ պատրաստ է աջակցել Մոսկվայի նկատմամբ պատժամիջոցների վերացմանը և Ուկրաինայի վրա ճնշում գործադրել՝ բանակցություններ կազմակերպելու համար։

Միևնույն ժամանակ, որոշ մեկնաբաններ Զելենսկին մեղադրել են կոռուպցիայի, փողերի լվացման և զենքի ապօրինի շրջանառության մեջ։ Իսկ մյուսները նույնիսկ Կիևին անվանել են «չարի աջ ձեռք»՝ քննադատելով Սպիտակ տանը Ուկրաինայի հետ նրա բարեկամության համար:

«Չափազանց շատ հոլիվուդյան բարերարներ ցույց են տալիս, որ այս հակամարտությանը պետք է լուրջ վերաբերվել», - գրել է օգտատերերից մեկը: