Էրդողանն ու Ասադը կարող են հեռախոսազրույց ունենալ Պուտինի առաջարկի շուրջ

Թուրքիայի նախագահ Ռեջեփ Թայիփ Էրդողանը և Սիրիայի նախագահ Բաշար ալ-Ասադը կարող են ուղիղ հեռախոսազրույցներ վարել երկրի հյուսիսում տիրող իրավիճակի վերաբերյալ: Այս գաղափարը Թուրքիայի և Սիրիայի առաջնորդներին առաջարկել է ՌԴ նախագահ Վլադիմիր Պուտինը, հայտնում են թուրքական ԶԼՄ-ները։

«Ինչպես գիտեք, վերջերս Սոչի այցելած նախագահ Էրդողանը կարծիքներ է փոխանակել Ռուսաստանի առաջնորդ Պուտինի հետ Սիրիայի վերաբերյալ։ Հետդարձի ճանապարհին պատասխանելով լրագրողների հարցերին՝ Էրդողանն ասել է, որ չնայած Սիրիայի հետ սահմանին ահաբեկչական կառույցների առկայությանը՝ Պուտինն իրեն առաջարկել է, որ «եթե նախընտրում է դրանք լուծել Սիրիայի հետ միասին, ռեժիմը որքան հնարավոր է, շատ ավելի ճշգրիտ կլիներ»,- ասվում է հաղորդագրության մեջ։

Բացի այդ, ըստ հրապարակման, Պուտինը Էրդողանին ու Ասադին հրավիրել է անձամբ հանդիպել։ Այդուհանդերձ, Անկարան կարծում է, որ նման բանակցությունների համար հարմար պահը դեռ չի եկել։ Սակայն նշվել է, որ Էրդողանի և Ասադի միջև հեռախոսազրույցներ կարող են տեղի ունենալ։ Թուրքիայի և Սիրիայի միջև բանակցային շարժման մեջ մեկնարկել է տարածաշրջանը լավ ճանաչող փորձագետներից կազմված հանձնաժողովի ձևավորումը։