Մեծ Բրիտանիան ձմռանը կարող է անջատել ազգաբնակչության էլեկտրաէներգիան․ Bloomberg

Բրիտանական իշխանությունները մշակել են էլեկտրաէներգիայի պլանային անջատումների ծրագիր արդյունաբերական օբյեկտներում և բնակելի շենքերում, եթե ձմռանը ցուրտ եղանակը զուգորդվի գազի պակասի հետ։ Այս մասին գրում է Bloomberg-ը՝ վկայակոչելով Մեծ Բրիտանիայի կառավարության աղբյուրներին։

Վատագույն սցենարի դեպքում երկիրը կարող է բախվել պահանջարկի պիկի մոտ մեկ վեցերորդ մասի էլեկտրաէներգիայի պակասի՝ նույնիսկ ածուխով աշխատող էլեկտրակայանների արտակարգ գործարկումից հետո:

Գործակալության զրուցակիցների կարծիքով՝ վատագույն կանխատեսումը ենթադրում է, որ երկրում միջինից ցածր ջերմաստիճանի հաստատումը, ինչպես նաև Նորվեգիայից և Ֆրանսիայից էլեկտրաէներգիայի ներմուծման կրճատումը կհանգեցնեն քառօրյա հոսանքազրկման, ինչը համարվում է արտակարգ իրավիճակ, գազ խնայելու միջոց։

Կառավարությունը, սակայն, վստահ է, որ տնային տնտեսությունները, ձեռնարկությունները և արդյունաբերական օբյեկտները կստանան իրենց անհրաժեշտ քանակությամբ էլեկտրաէներգիա և գազ, գրում է Bloomberg-ը։