Գնահատվել են Չինաստանի և ԱՄՆ-ի միջև հնարավոր պատերազմի հետևանքները

Զինված հակամարտությունը, որը կարող է բռնկվել Չինաստանի և ԱՄՆ-ի միջև Թայվանի պատճառով, տնտեսական և ռազմական մղձավանջ կդառնա ամբողջ աշխարհի համար։ Պեկինի և Վաշինգտոնի հիպոթետիկ առճակատման հետևանքները գնահատել է The Telegraph-ի սյունակագիր Ռոջեր Բութլը։

Վերլուծաբանի կարծիքով՝ ԱՄՆ Կոնգրեսի Ներկայացուցիչների պալատի խոսնակի` Թայվան այցի պատճառով ճգնաժամի սրումը կարող է հանգեցնել իրավիճակի ռազմական սրման։ «[Թայվանի հետ ստեղծված իրավիճակը] կունենա սարսափելի հետեւանքներ: Եթե ​​այն վերաճի ԱՄՆ-ի և Չինաստանի մասնակցությամբ պատերազմի, արդյունքները կործանարար կլինեն»,- կարծում է հոդվածի հեղինակը։

Բութլը նշել է, որ Թայվանը կարևոր դեր է խաղում համաշխարհային տնտեսության մեջ. նրան բաժին է ընկնում համաշխարհային ապրանքների արտահանման 15 տոկոսը, ներառյալ` էլեկտրոնիկա և կիսահաղորդիչներ: Նա վստահ է, որ եթե Պեկինը կարողանա շրջափակել կղզին, ապա սա ևս մեկ հարված կլինի ամբողջ աշխարհի տնտեսությանը` համաշխարհային և տարածաշրջանային մատակարարումների շղթաների խզման պատճառով։