Թուրքիան սկսել է Ղրիմի թաթարներին երկարաժամկետ բնակության թույլտվություն տրամադրել. «Անադոլու»

Թուրքիայի ներքին գործերի նախարարության միգրացիոն ծառայությունն սկսել է Ղրիմի թաթարներին երկարաժամկետ բնակության թույլտվություն տրամադրել։ Այս մասին հայտնում է Anadolu գործակալությունը։

«Օգոստոսի սկզբից Թուրքիայի Ներքին գործերի նախարարության միգրացիոն ծառայությունն սկսել է Ղրիմի թաթարներին երկարաժամկետ բնակության թույլտվություն տրամադրել՝ ճանաչելով նրանց «թյուրքական արմատներով հայրենակիցների» կարգավիճակը։

Գործակալությունը նշում է, որ մինչ այդ հայրենակիցների կարգավիճակի տակ էին հայտնվել մեսխեթցի թուրքերը, ույղուրները, ինչպես նաև էթնիկ թուրքերը Բուլղարիայից և Հունաստանից։

Ղրիմի թաթարներին 2022 թվականի հունիսին ներքին գործերի նախարար Սուլեյման Սոյլուի անունից սկսել են երկարաժամկետ կացության թույլտվություններ տրամադրել, նշում է Anadolu-ն։

Թուրքական օրենսդրության համաձայն՝ երկարաժամկետ կացության թույլտվություն կարող են ստանալ միայն այն օտարերկրացիները, ովքեր ութ տարի շարունակ գտնվում են երկրում։ Այս պայմանի կատարումն այսուհետ Ղրիմի թաթարներից չի պահանջվի, ընդգծում է գործակալությունը։

Հոդվածում բերված պաշտոնական թվերի համաձայն՝ Թուրքիայում բնակվող օտարերկրացիների միայն 5%-ն ունի երկարաժամկետ կացության թույլտվություն։ Միաժամանակ, Թուրքիայում բնակվող թյուրքական արմատներով օտարերկրացիների 75%-ը երկարաժամկետ բնակության թույլտվություն ունի։