Սի Ցզինպինը զգուշացրել է Բայդենին, որ հիմա մեծամասշտաբ ճգնաժամի ժամանակը չէ. WSJ
Համաշխարհային Մամուլ
Չինաստանի նախագահ Սի Ցզինպինը հուլիսի 28-ին ԱՄՆ նախագահ Ջո Բայդենի հետ հեռախոսազրույցի ժամանակ նախազգուշացրել է ամերիկացի առաջնորդին, որ հիմա ժամանակը չէ մեծամասշտաբ ճգնաժամ հրահրելու` ԱՄՆ Կոնգրեսի Ներկայացուցիչների պալատի նախագահ Նենսի Փելոսիի` Թայվան այցի պատճառով: Այս մասին հայտնում է РИА Новости-ն՝ հղում անելով The Wall Street Journal-ին։
Չինաստանի ղեկավարությանը մոտ կանգնած աղբյուրների համաձայն՝ Չինաստանի նախագահը բացեիբաց ափսոսանք է հայտնել, որ մի քանի ամիս տեւած դիվանագիտական ջանքերը չեն կարողացել խանգարել Փելոսիին մեկնել կղզի, և զգուշացրել է Բայդենին նման այցի հետևանքների մասին։
Սի Ցզինպինը նաև վերահաստատել է ԱՄՆ-ի հետ պատերազմ սկսելու Չինաստանի մտադրության բացակայությունը և ընդգծել, որ կողմերը պետք է «պահպանեն խաղաղությունն ու կայունությունը»։
Հրատարակությունը նշում է, որ Չինաստանի մտավախությունները կապված են հնարավոր «դոմինոյի էֆեկտի» հետ. Փելոսիի այցից հետո, հնարավոր է, ավելի շատ օտարերկրյա քաղաքական գործիչներ կայցելեն Թայվան՝ ուժեղացնելով կղզու անկախությունը ճանաչելու ցանկությունը։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
