Ասիական սպառողները սկսել են ԱՄՆ-ի էժան նավթ գնել․ Bloomberg

Ասիացի սպառողները ԱՄՆ֊ից մեծ քանակությամբ էժան նավթ են գնել, ինչը մեծացրել է մերձավորարևելյան նավթի ավելի ցածր պահանջարկի հավանականությունը։ Այս մասին հայտնում է ամերիկյան Bloomberg գործակալությունը։

Այսպես, Հարավային Կորեայից և Հնդկաստանից նավթավերամշակող ձեռնարկությունները օգոստոսին գնել են մոտ 16 մլն բարել ամերիկյան նավթ, ինչը երկու անգամ ավելին է նախորդ տարվա նույն ժամանակահատվածի համեմատ։ Դա կարող է պայմանավորված լինել, ի թիվս այլ բաների, նրանով, որ ավելի վաղ Սաուդյան Արաբիան Ասիայի համար նավթի գները բարձրացրել էր ռեկորդային մակարդակի՝ 2020 թվականի ապրիլից ի վեր, գրում է գործակալությունը։

Առևտրականները նշում են, որ ամերիկյան նավթը շատ ավելի էժան է, նույնիսկ եթե հաշվի են առնվում բեռնափոխադրումները և նյութատեխնիկական ապահովումը։

Ավելի վաղ South China Morning Post-ը հայտնել էր, որ ԱՄՆ-ն դիմում է Ասիայի առանցքային գործընկերներին՝ Ռուսաստանից նավթի գնի վրա սահմանափակումներ մտցնելու իր ծրագրերին աջակցելու համար: