Թուրքիան խանգարել է Արևմուտքին մեկուսացնել ռուսական տնտեսությունը. Bloomberg
Համաշխարհային Մամուլ
Թուրքիան պարծեցել է, որ խանգարել է ԱՄՆ-ին և ԵՄ-ին մեկուսացնել ռուսական տնտեսությունը, կարծում է Bloomberg-ի սյունակագիր Պատրիկ Սայքսը։
Հեղինակը հիշեցրել է, որ Արևմուտքը աննախադեպ պատժամիջոցներ է կիրառել Ռուսաստանի դեմ և փորձել է նվազեցնել նրա եկամուտը էներգիայի արտահանումից։ Այնուամենայնիվ, ՆԱՏՕ-ի անդամ Թուրքիան շարունակել է ակտիվ առևտուրը Ռուսաստանի Դաշնության հետ՝ չնայած պատժամիջոցներին։
«Մի երկիր բացահայտորեն պարծենում է Ռուսաստանի հետ առևտրի բումով` Թուրքիան»,- գրում է Սայքսը։
Ավելի վաղ Թուրքիայի տրանսպորտի նախարարը հայտնել էր, որ այս տարվա հունվար-ապրիլին Ռուսաստանի հետ ավտոմեքենաների առևտրի ծավալն աճել է 58%-ով։ Հայտնի է դարձել նաեւ, որ առաջին կիսամյակում թուրքական ապրանքների արտահանումը Ռուսաստան հասել է առավելագույնի վերջին ութ տարիների ընթացքում։
Սայքսը նշել է, որ Թուրքիայի նախագահ Ռեջեփ Թայիփ Էրդողանը տնտեսական նոր մոդել է իրականացնում, այն է՝ խորացնել առևտրային կապերը Ռուսաստանի Դաշնության հետ, որն այժմ գործընկերների կարիք ունի։ Սակայն Անկարայի նման պահվածքը կարող է զայրացնել ԱՄՆ-ին և եվրոպական երկրներին, որոնք փորձել են մեկուսացնել ռուսական տնտեսությունը կոշտ պատժամիջոցներով, ընդգծել է նյութի հեղինակը։
Ամենադիտված 
Մնաս բարյավ. Րաֆֆի Հովհաննիսյան
