Լուկաշենկոն խնդիրներ կունենա. Մակրոն

Ֆրանսիայի նախագահ Էմանուել Մակրոնը France 2 հեռուստաալիքին տված հարցազրույցում ասել է, որ ուկրաինական հակամարտությանը հետագայում ներգրավվելու դեպքում Բելառուսի առաջնորդ Ալեքսանդր Լուկաշենկոն խնդիրներ կունենա։

«Եթե նախագահ Լուկաշենկոն որոշի ավելի շատ նվիրվել այս պատերազմին, ապա դա կանի իր ժողովրդի զգալի մասի խորհրդին հակառակ և կանի դա՝ ստանձնելով պատասխանատվությունը, ինչը, կարծում եմ, իր համար առանց խնդիրների չի լինի»,- ասել է նա։

Մակրոնը հիշեցրել է, որ Բելառուսի դեմ պատժամիջոցներն արդեն սահմանվել էին այն բանից հետո, երբ Մինսկը թույլ տվեց ռուս զինվորականներին տեղակայել իր տարածքում։

Նույն հարցազրույցում Մակրոնն ասել է, որ ՌԴ նախագահ Վլադիմիր Պուտինը «պետք է վերջ դնի այս պատերազմին» և «վերադառնա բանակցությունների սեղանի շուրջ»՝ հարգելով «Ուկրաինայի տարածքային ամբողջականությունը»։ Նա նաև նշել է, որ բանակցությունները կբխեն Կիևի «շահերից»։ Միաժամանակ, Ֆրանսիայի ղեկավարը Ուկրաինային նոր սպառազինություն է խոստացել, այն է՝ Caesar վեց հաուբիցների մատակարարում, որոնից Փարիզն ավելի վաղ ուղարկել էր Կիև։