Հոլանդացի արքայադստերը մաֆիայի սպառնալիքների պատճառով փակել են պալատում. The Guardian

Նիդեռլանդների թագավոր Վիլեմ-Ալեքսանդրի ավագ դուստր Կատարինա-Ամալիան ստիպված է եղել վերադառնալ Ամստերդամի համալսարանի հանրակացարանից և մաֆիայի սպառնալիքների պատճառով փաստացի փակվել է պալատում։ Այս մասին հայտնում է The Guardian-ը։

18-ամյա հոլանդացի արքայադստեր՝ համալսարանական կամպուսից Հաագայում գտնվող Հեյս-տեն-Բոս պալատ տեղափոխության մասին հայտարարել են թագավորական ընտանիքի ներկայացուցիչները։ Հինգշաբթի՝ հոկտեմբերի 13-ին Շվեդիա կատարած այցի ժամանակ Վիլլեմ-Ալեքսանդր թագավորն ասել է, որ իր երկրում «շատ բարդ իրավիճակ» է ստեղծվել։

Գահաժառանգի՝ հանցագործների կողմից ստացած սպառնալիքների բնույթը չի բացահայտվել, սակայն հոլանդական լրատվամիջոցները սեպտեմբերի վերջին հայտնել են, որ Նիդերլանդների արքայադուստր Կատարինա-Ամալիան գտնվում է խիստ հսկողության տակ։ «Դա մեծ ազդեցություն ունի նրա վրա: Նա թողել է իր կյանքը Ամստերդամում և չի կարող նույնիսկ դուրս գալ»,- բացատրել է Նիդերլանդների թագուհի Մաքսիման։

Վարչապետ Մարկ Ռյուտեն մտահոգություն է հայտնել ներկայիս իրավիճակի վերաբերյալ և այն անվանել «սարսափելի»։