Արևմտյան երկրները միջոցներ են նախապատրաստում միջուկային հարվածի դեպքում բնակչության շրջանում խուճապը կանխելու համար. Times

Արևմտյան կառավարությունները միջոցներ են մշակում բնակչության շրջանում խուճապը կանխելու համար՝ Ուկրաինայում Ռուսաստանի կողմից միջուկային զենքի ենթադրյալ օգտագործման դեպքում: Այս մասին գրում է բրիտանական Times թերթը՝ հղում անելով արեւմտյան երկրներից մեկի բարձրաստիճան պաշտոնյային։

Հրատարակության համաձայն՝ միջոցառումների ցանկն ուղղված է լինելու խանութներում և դեղատներում սննդի և առաջին անհրաժեշտության ապրանքների շտապ գնումը կանխելուն։ Իշխանությունները նախատեսում են նաև հրատարակել գրքույկներ՝ ցուցումներով, թե ինչ անել միջուկային հարվածի դեպքում:

Ավելի վաղ Մեծ Բրիտանիայի պաշտպանության նախարար Բեն Ուոլեսը բացասաբար էր գնահատել Ֆրանսիայի նախագահ Էմանուել Մակրոնի հայտարարությունը, թե Փարիզը միջուկային հարվածով չի պատասխանի մարտավարական միջուկային զենքով Ուկրաինայի վրա հնարավոր հարձակմանը։ Նրա խոսքով՝ Հինգերորդ հանրապետության ղեկավարը «բացահայտեց խաղաքարտերը»՝ խոսելով իր պետության միջուկային դոկտրինի սահմանների մասին։