Ավստրալիան հրաժարվել է ճանաչել Երուսաղեմը որպես Իսրայելի մայրաքաղաք. Guardian

Ավստրալիայի ներկայիս կառավարությունը չեղարկել է Երուսաղեմն Իսրայելի մայրաքաղաք ճանաչելու նախկին որոշումը, հայտնում է The Guardian-ը։

Հրատարակության տվյալներով՝ վերջին մի քանի օրվա ընթացքում Ավստրալիայի ԱԳՆ կայքից երկու հայտարարություն է հեռացվել։

Առաջինը նշում էր, որ 2018 թվականի դեկտեմբերին Ավստրալիան, երկարամյա քաղաքականությանը համահունչ, ճանաչել է Արևմտյան Երուսաղեմը որպես Իսրայելի մայրաքաղաք, որտեղ գտնվում են Քնեսեթը և Իսրայելի կառավարության բազմաթիվ ինստիտուտները:

Երկրորդ հայտարարության մեջ նշվում է, որ Ավստրալիան անհամբեր սպասում է իր դեսպանատունը Արևմտյան Երուսաղեմ տեղափոխելուն, երբ դա գործնականում հնարավոր կլինի՝ երկու պետությունների վերջնական ստատուսի որոշումից հետո:

Ինչպես ուշադրություն է հրավիրել The Guardian-ը, 2018 թվականին Ավստրալիայի արտաքին գործերի նախարար Փենի Վոնգը հայտարարել էր, որ լեյբորիստները չեն աջակցում Երուսաղեմի միակողմանի ճանաչմանը որպես Իսրայելի մայրաքաղաք, և որ կառավարությունը կչեղարկի այդ որոշումը։ Ընդ որում, անցած շաբաթ, ինչպես նշում է հրատարակությունը, այս հաղորդագրությունները եղել են կայքում։