ԱՄՆ-ն անխուսափելի ռեցեսիայի մեջ կհայտնվի. Bloomberg

ԱՄՆ-ում ռեցեսիան կարող է սկսվել առաջիկա 12 ամիսների ընթացքում՝ 100% հավանականությամբ: Այս մասին հայտնում է Bloomberg-ը՝ վկայակոչելով վերլուծաբանների կանխատեսումները։

«Հրատարակության տնտեսագետների մշակած մոդելի համաձայն՝ առաջիկա 12 ամիսների ընթացքում ռեցեսիայի հավանականությունը 100% է։ Ընդ որում, ավելի վաղ կանխատեսումը եղել է 65 %-ի մակարդակում»,- նշում է հրատարակությունը։

Ըստ պարբերականի՝ այս կանխատեսումը յուրօրինակ կոչ է ԱՄՆ նախագահ Ջո Բայդենին, ով փորձում է երկրի ժողովրդին համոզել, որ տնտեսությունը ամուր կանգնած է ոտքերի վրա։ Միաժամանակ, նրա հայտարարություններում պետությունը մշտապես խուսափում է ռեցեսիայից, իսկ տնտեսության անկումը կլինի աննշան։

Հրատարակությունը հավելել է, որ նման վատ կանխատեսումները հիմնավորվում են ֆինանսական և տնտեսական ցուցանիշների անընդհատ վատթարացմամբ։ Միևնույն ժամանակ, տնտեսության փլուզումը կարող է գալ, այն էլ՝ շատ ավելի արագ։ 

Հոկտեմբերի 17-ին The Atlantic-ը հայտնել է, որ ԱՄՆ Դաշնային պահուստային համակարգի փորձերը՝ զսպելու գնաճը երկրում, երբ հիմնական տոկոսադրույքը բարձրանում է, միայն վնաս է հասցնում ամբողջ համաշխարհային տնտեսությանը։ Հրատարակության համաձայն՝ տոկոսադրույքների աճը հանգեցնում է նրան, որ ներդրողները փորձում են իրենց համար կայուն եկամտաբերության տեմպեր գտնել։ Դրա համար նրանք գնում են ամերիկյան պարտատոմսեր, այն էլ դոլարով, ինչը բացասաբար է անդրադառնում այլ երկրների արժույթների վրա։