Բորիս Ջոնսոնը կառաջադրվի Մեծ Բրիտանիայի վարչապետի պաշտոնում

Բորիս Ջոնսոնը, ով նախկինում ղեկավարում էր բրիտանական կառավարությունը, մտադիր է կրկին պայքարել վարչապետի պաշտոնի համար Լիզ Թրասի հրաժարականից հետո, հայտնում է The Times-ը։

«Ինձ տեղեկացնում են, որ սպասվում է Բորիս Ջոնսոնի թեկնածությունը Տորի կուսակցության առաջնորդի պաշտոնում։ Մինչ նա խորհրդակցում է վստահելի անձանց հետ, ասում են, որ նա կարծում է, որ դա ազգային շահի հարց է»,- Twitter-ում գրել է թերթի քաղաքական մեկնաբան Սթիվեն Սուինֆորդը։

Կառավարության ղեկավարի պաշտոնի գլխավոր հավակնորդները, բացի Ջոնսոնից, բրիտանական գանձապետարանի նախկին ղեկավարն ու վերջին ընտրություններում Թրասի գլխավոր մրցակից Ռիշի Սունակն ու խորհրդարանի Համայնքների պալատի ղեկավար Պենի Մորդոնն են։ Հրատարակությունը նշում է, որ ֆինանսների նախկին նախարարի կողմնակիցները նրան համարում են «ամենահարմար թեկնածուն»։

Մեծ Բրիտանիայի վարչապետը հոկտեմբերի 20-ին հաստատել է իր հրաժարականը։ Թրասը խոստովանել է, որ չի կատարել իրեն վստահված վարչապետի մանդատի պարտականությունները։ Նա իշխանության ղեկին է եղել 44 օր։ Մինչ այս վարչապետի պաշտոնում օրերի քանակով հակառեկորդը պատկանում էր Ջորջ Քենինգին. նա պաշտոնավարել է 119 օր։ Նա պաշտոնը ստանձնել էր 1827 թվականի ապրիլի 12-ին և մահացել օգոստոսի 8-ին։