Թյուրքական պետությունների կազմակերպության երկրները մեկ այբուբեն կստեղծեն. Anadolu

Թյուրքական պետությունների կազմակերպության երկրները քննարկում են մեկ այբուբենի ստեղծման հարցը։ Այս մասին հայտնում է Anadolu-ն։

Նշվում է, որ «լեզվական միասնության և թյուրքական պետությունների ընդհանուր այբուբենի անցման գործընթացն արագացնելու նպատակով» ստեղծվել է հանձնաժողով, որի կազմում ընդգրկվել են յուրաքանչյուր երկրի երկուական ներկայացուցիչ։ Նրա առաջին հանդիպումը կանցկացվի Ղրղզստանում։ Այնուհետեւ հանձնաժողովը մեկ այբուբենի վերաբերյալ հաշվետվություն կներկայացնի կազմակերպության ղեկավարությանը։

Թյուրքական պետությունների կազմակերպությունը ներառում է Ադրբեջանը, Ղազախստանը, Ղրղզստանը, Թուրքիան և Ուզբեկստանը։

Բոլոր թյուրքական լեզուների ընդհանուր հիմքը նախաթուրքական լեզուն է: Այժմ թյուրքական լեզուներով խոսողների միջև միմյանց հասկանալու աստիճանը կախված չէ քերականությունից, այլ բացառապես բառապաշարից:

Ավելի վաղ Թուրքիայի նախագահ Թայիփ Էրդողանը Էմանուել Մակրոնին կատակով առաջարկել էր Ֆրանսիան ընդունել Թյուրքական պետությունների կազմակերպություն։