Իտալիայում խորտակվել է հայ օլիգարխի զբոսանավը (տեսանյութ)

Իտալիայի հարավում՝ Սքվիլասի ծոցում, խորտակվել է 40 մետրանոց «Սագա» զբոսանավը, հայտնում է Wesud News-ը։ Նշվում է, որ զբոսանավը պատկանում էր հայազգի օլիգարխ Գենադի Այվազյանին։

Միջադեպը տեղի է ունեցել օգոստոսի 12-ի գիշերը, երբ Կայմանյան կղզիների դրոշը կրող նավը Գալիպոլիից Միլացո էր ուղևորվում։ Անձնակազմը, որը բաղկացած է եղել իտալացիներից, ահազանգել է, երբ զբոսանավը սկսել է սուզվել։

Առափնյա պահպանությունը տարհանել է չորս ուղևորի և անձնակազմի մեկ անդամի, գրում է Daily Mail-ը։ Նրանք փորձել են զբոսանավը տեղափոխել նավահանգիստ, բայց ապարդյուն։ Նավի վրա մնացած անձնակազմի անդամները փրկվել են, մինչդեռ զբոսանավը վերջնականապես խորտակվել է:

Saga-ն կառուցվել է Իտալիայում՝ 2007 թվականին Monaco Yachting & Technologies-ի կողմից: Մամուլի տեղեկություններով՝ զբոսանավը պատկանում է Kuzbassrazrezugol հոլդինգի համասեփականատեր և Krutrade ընկերության տնօրենների խորհրդի նախագահ Գենադի Այվազյանին։ Խորտակված նավը գնահատվում է 50 մլն դոլար։