Ինքնաթիռի ուղևորուհին մերկացել է մյուս ուղևորների աչքի առաջ և տեսագրվել

Frontier Airlines-ի ուղևորուհին մերկացել է մյուս ուղևորների առջև՝ սպառնալով հոգալ իր բնական կարիքները։ Այս մասին հայտնում է Daily Mail-ը։

Հրատարակության տվյալներով՝ միջադեպը տեղի է ունեցել օդանավի վայրէջքից քիչ առաջ։ Անձնակազմի անդամները փակել են ինքնաթիռի զուգարանը, սակայն ուղեւորներից մեկը ցանկացել է օգտվել զուգարանից։ Բորտուղեկցորդուհին բացատրել է կնոջը, որ դա անհնար է, և հրաժարվել է բացել դուռը։

Դրանից հետո ուղեւորուհին, մերժումից զայրացած, հանել է շալվարը հենց նստատեղերի շարքերի արանքում ու նստել՝ իր բնական կարիքները հոգալու համար։ Ուղևորների քննադատությանն ի պատասխան՝ կինն ասել է, որ իրեն ուրիշների կարծիքը չի հետաքրքրում։ Սակայն դրանից հետո նա արագ հագնվել է։

Դրանից հետո, ինքնաթիռը վայրէջք կատարելուն պես, իրավապահները բերման են ենթարկել խռովարարին։