Ղազախստանում կինն ամուսնուն նոր կին է նվիրել (տեսանյութ)
ՏեսանյութերՍոցցանցերում քննարկվում է մի տեսանյութ, որում Ղազախստանի բնակչուհին ամուսնու ծննդյան օրվա կապակցությամբ նրան երկրորդ կին է նվիրում, հայտնում է Press.kz-ն։
Տեսանյութում կինը շնորհավորում է ամուսնուն ծննդյան տարեդարձի կապակցությամբ։ Նրա խոսքով՝ 10 տարի է՝ ամուսնացած է ամուսնու հետ, ինչի համար շատ շնորհակալ է նրանից։
«Ես շնորհակալ եմ քեզ, որ կատարում ես իմ բոլոր քմահաճույքները։ Անկախ նրանից, թե Ալլահը ինչ դժվարություններ է պատրաստում մեզ համար, դու համբերում ես և չես լքում ինձ: Շնորհակալություն։ Ուստի դու արժանի ես երկրորդ կնոջ»,- ասում է կինը՝ ցույց տալով մեծ տուփը։
Ամուսինը ի պատասխան կատակում է՝ ասելով, որ հանկարծ երկրորդ կին դուրս չգա տուփից։ Սակայն, հենց դա էլ տեղի է ունենում․ տուփից դուրս է գալիս մի աղջիկ։ Այնուհետև տեսանյութում ներկայացված է ամուսինների անձնական զրույցը, որտեղ կինն ամենայն լրջությամբ բացատրում է «նվերի ընտրությունը»։
«Եթե հիշում ես, երբ հիվանդ էի, 2000 թվականին ծնված մի աղջիկ էր ինձ խնամում»,- պատմել է նա ամուսնուն։
Կինը պնդում է, որ «շնորհալի» աղջկա ծնողները տեղյակ են, որ նա երկրորդ կին է լինելու։ Նրանք, ինչպես ինքը, համարում են, որ տղամարդն արժանի է դրան։
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
