Հնդկաստանից Հայաստան եկածների 25 տոկոսն արդեն մեկնել է երկրից․ ԿԲ նախագահ

Ներգնա տուրիզմի թվերն ավելի ցածր են նախորդ տարվա համեմատ։

Այս մասին ամուլի ասուլիսի ընթացքում հայտարարել է ԿԲ նախագահ Մարտին Գալստյանը։

«Ունեինք դրսից Հայաստան եկած աշխատանքային միգրանտներ, որոնց մի մասը, մեր ունեցած վիճակագրության համաձայն, Հայաստանից արդեն հեռանում է կամ հեռացել է։ Դա վերաբերում է ոչ միայն բարձր կվալիֆիկացիա ունեցող մարդկանց, այլ նաև՝ ցածր։ Երեկ նայում էինք թվերը. Հնդկաստանի եկած քաղաքացիների 25 տոկոսի չափն արդեն Հայաստանում չէ, ինչը վկայում է արտաքին պահանջարկի թուլացման մասին»,-ասել է նա։

Ըստ նրա՝ խոսքը 2023 թվականի սկզբից սկսած եկած հնդիկների մասին է։

«Ունեինք 17 հազար հոգի։ Մեր վերջին դիտարկումներով՝ այս պահին Հայաստանում գտնվողները 11 հազար հոգի են»,- ընդգծել է ԿԲ նախագահը։