Մինչև տարեվերջ Հայաստանում շահագործման կհանձնվի 45 նոր կառուցված դպրոց

Հայաստանն այս տարեվերջ կունենա 45 նոր կառուցված և շահագործման հանձնված դպրոց, կան նաև շինարարության փուլում գտնվող դպրոցներ: 

Այս մասին կառավարության օգոստոսի 29-ի նիստում հայտնել է փոխվարչապետ Տիգրան Խաչատրյանը: 

Վարչապետ Նիկոլ Փաշինյանի հարցին, թե 300 դպրոց և 500 մանկապարտեզ նորոգելու, կառուցելու և վերակառուցելու ծրագիրն ի՞նչ փուլում է, փոխվարչապետը պատասխանել է.

«Այս տարեսկզբին ունեինք 28 նոր կառուցված և շահագործման հանձնված դպրոց: Սեպտեմբերի 1-ի դրությամբ ևս 7-ը կհանձնվի շահագործման: Մինչև տարեվերջ կշարունակենք ընթացքի մեջ գտնվող դպրոցներից ևս 10-ն ավարտին հասցնելու գործընթացը: Այսինքն՝ տարեվերջին արդեն կունենանք  ավարտված և շահագործման հանձնված 45 դպրոց, ևս 26-ը գտնվում են շինարարության փուլում: Նախատեսվում է, որ դրանք շահագործման կհանձնվեն 2025-ի ընթացքում»: 

Խաչատրյանի փոխանցմամբ՝ նախորդ տարվա ընթացքում կայացել է կառուցման 111 նոր մրցույթ, որոնցից 76-ի մասով արդեն շնորհված են պայմանագրեր, ևս 30-ի մրցույթը կհայտարարվի սեպտեմբերի ընթացքում:

«Այսինքն՝ այս տարին կամփոփենք նոր կառուցված կամ ընթացքի մեջ գտնվող 210-ը գերազանցող դպրոցների քանակով»,- նշել է նա:

Տարվա ընթացքում կսկսեն նաև ավելի քան 50 դպրոցների նորոգման աշխատանքներ: Այս հաշվարկում չեն ներառվում այն դպրոցները, որտեղ նոր մարզադահլիճներ են կառուցվել: 

Վարչապետի փոխանցմամբ՝ ծրագիրը կառավարելի իրավիճակում է՝ ի հեճուկս բոլոր խնդիրների և բարդությունների:

Այս թեմայով «Նույն հայհոյանքները դատախազն ասաց նոր, մեր դեպքում հանցագործություն է, իրենց դեպքում`ո'չ». Սամսոնյան (տեսանյութ) Ալիևը հայտարարել է, թե Հայաստանում «ռևանշիստական» ուժեր կան Հայաստանի օպերայի պատմության մեջ նոր էջ է բացվում՝ աշխարհի ամենահեղինակավոր կառույցի հետ համագործակցությամբ «Մինչև 2027-2028 թթ. Երևանում բոլոր հին վերելակները պետք է փոխարինված լինեն». Ավինյան ՊԵԿ-ը հորդորում է ՀՀ ժամանող քաղաքացիներին տեղափոխել միայն իրենց կողմից ձեռքբերված և իրենց պատկանող նոր iPhone 16