Զարմանալիորեն իմանում եմ, որ տարբերանշանը փոփոխողները չեն իմացել, որ դա Արագած լեռն է. Գագիկ Համբարյանի արձագանքը

Գագիկ Համբարյանը ֆեյսբուքում գրել է.

«Ի պատասխան ՇՊՀ ռեկտորի խորհրդականի բոցաշունչ պարզաբանման

Կարդացի ՇՊՀ ռեկտորի հասարակական հիմունքներով խորհրդականի բոցաշունչ պատասխանը իմ կողմից ՇՊՀ տարբերանշանի փոփոխման վերաբերյալ իմ գրառման...

Նախ, կանխավ նշեմ, որ նոր եմ իմացել, որ սույն անձը մագիստրատուրայում է ուսանում և սխալվել եմ իր պահով, որ նշել եմ, որ նա իրավունք չունի լինել հոգաբարձուների խորհրդում, քանի որ մամուլում, դեռ փետրվարին իր ուսանող չիլինելու վերաբերյալ նյութ եմ կարդացել, որը չի հերքվել ինձ ստախոս անվանած սույն անձի կողմից (տե՛ս՝ https://168.am/2024/02/28/2003940.html) ...

Պատճառը ՇՊՀ-ի կայքէջն է նաև , որտեղ ՀԽ կազմի վերաբերյալ հին տվյալներն են պահպանվել, որոնք 2022 թ. կառուցվածքային փոփոխություններից հետո տարակուսանք են առաջացնում...

Ինչ վերաբերում է Հումանիտար գիտությունների ֆակուլտետի դեկան (կան բազմաթիվ փասատաթղթեր, որտեղ գրված է "դեկան" և ստորագրված է որպես դեկան. զավեշտ է, երբ անձն ասում է, որ տիկինը դեկան չէ, այլ դեկանի ԺՊ) Աիդա Գարեգինյանի՝ ՀԽ-ում տեղ զբաղեցնելով ներգրավված չէ գիտական խորհրդում, ապա նշեմ, որ տիկին Գարեգինյանն ի պաշտոնե ՊԵՏՔ է լիներ գիտխորհրդում, այլ ոչ թե որևէ մեկի ցանկությամբ կամ ընտրությունով, այսինքն՝ համալսարանի կանոնադրությունը և ներքին իրավական ակտերը սեփական ցանկությամբ կարող են շրջանցվե՞լ... Դեկանի ԺՊ լինելը չի նշանակում, որ նա "ազատվում" է գիտխորհրդի անդամակցությունից... Օրինակ՝ նույն Հասարակական գիտությունների ֆակուլտետի դեկանի ԺՊ-ն ի պաշտոնե գիտխորհրդի անդամ է, իսկ Հումանիտար գիտությունների ֆակուլտետի դեկանի ԺՊ-ն չգիտես ինչու ո՛չ... Դա ՇՊՀ կանոնադրության կոպտագույն խախտում է... Ի դեպ, տիկին Գարեգինյանը, արդեն լինելով Հումանիտար գիտությունների ֆակուլտետի խորհրդի նախագահ, կրկին չի կարող լինել հոգաբարձուների խորհրդի կազմում (տե՛ս փաստաթղթերը)...

Հավելեմ նաև, որ 2022 թ. կառուցվածքային փոփոխություններից հետո պետք է տեղի ունենար գիտխորհրդի և հոգաբարձուների խորհրդի նոր կազմերի ընտրություն: Ամենայն հարգանքով տիկին Գարեգինյանի հանդեպ, նա ընտրվել է ՀԽ անդամ հին ֆակուլտետով, իսկ նրա ղեկավարած նոր ֆակուլտետում նոր ամբիոն է հայտնվել, իսկ հին ամբիոնները չկան:

Ստացվում է, տիկին Գարեգինյանը պարտադիր պետք է զբաղեցնի իր տեղը բուհի գիտական խորհրդում ի պաշտոնե, ինչպես իր գործընկեր, կրկին դեկանի ԺՊ Օֆելյա Հովհաննիսյանը: Բացի այդ, տիկին Գարգենյանը, լինելով ֆակուլտետային խորհրդի անդամ և ղեկավարելով այդ խորհուրդը, չի կարող լինել հոգաբարձուների խորհրդի անդամ...

Ռեկտորի խորհրդականին խորհուրդ կտամ հանգստանալ և ստեր չփնտրել... Այս հարցում ինձ ստախոս անվանողն ինքն է ստախոսը...

Ինչ վերաբերում է զինանշանին...

Շատ զարմանալի է, որ սույն անձն անընդհատ նշում է, որ նրանք այդ աշխատանքը կատարել են անվճար... Հետաքրքիր է, իսկ ես երբևէ ասել եմ, որ ինչ-որ մեկը գումար է մուծե՞լ... Այ քեզ բա՞ն... Սա արդեն բացահայտ մանիպուլյացիա է և անընդհատ անվճար աշխատանքի մասին խոսելով անձը, ենթադրաբար, փորձում է կեղծ տպավորություն ստեղծել, որ ես նրանց գումարի դիմաց աշխատանք անելու մեջ եմ մեղադրում...

Երկրորդը, զարմանալիորեն իմանում եմ, որ տարբերանշանը փոփոխողները չեն իմացել, որ դա Արագած լեռն է և հիմա ինչ-որ պատճառաբանություններ է բերում իր "չիմացությունը" պարզաբանելու համար, այնինչ, ընդամենը պետք է ուսումնասիրվեր բուհի արխիվը և բացահայտվեր տարբերանշանի բացատրությունը... Թե ո՛վ որտեղի՛ց ինչպե՛ս է տեսնում Արագած սարը, դա ոչ իմ, ոչ էլ իր գործն է... Պետք է ընդամենը բացել բուհի տարբերանշանի պարզաբանման փաստաթուղթը, որը ՊԵՏՔ է առկա լինի բուհի արխիվում... Կարճ ասած՝ զինանշանը փոխողների անձնական կամ չգիտեմ ում կարծիքն ինձ չի հետաքրքրում՝ դա Արագած սարն է թե՛՝ ոչ... Կան փաստաթղթեր և բոլորը պետք է շարժվեն ըստ փաստաթղթերի...

Բուհի պատմական շենքը նկարագրելիս նոր տարբերանշանի հեղինակներից մեկը ևս մեջբերում է իր սուբյեկտիվ տեսակետները, թե բա շենքը "կիսատ-պռատ" էր պատկերված նախկինի վրա... Դա իր կարծիքն է... նա իր կարծիքն ունի, ես՝ իմը...

Նույնն էլ զինանշանի գույնի պահով... Ես բազմաթիվ օրինակներ գիտեմ համաշխարհային բուհերից, որոնց գերբը այլ գույն է՝ ոչ՛ կարմիր... Սփյուռքում գործող Հայկազյան համալսարանի օրինակը, բազմաթիվ նկատառումներից ելնելով, տեղին չէր...

Տարբերանշանի վրա առկա "գրառումների" պահով ևս... Ի՞նչ է նշանակում Բեյրութում գործող Հայկազյան համալսարանի կարգախոսին ենք նմանեցնել... Ես էլ ասում եմ՝ նմանեցնեիք, օրինակ՝ Օքսֆորդի կամ Փրինսթոնի համալսարանների զինանշանների վրա գրածներին...

Թե  ես ի՛նչ եմ արել իմ բուհի, քաղաքիս կամ երկրիս համար, այս անձին չէ, որ պետք է բացատրեմ... Շատ ճոխ կիներ... Իմացողը գիտի ու ես շատ ուրախ եմ, որ պարզաբանում տված անձը տեղյակ չէ...

Պարզապես մագիստրատուրա 2-րդ կուրսի ուսանողը պետք է հասկանար՝ ի՛նչ ասել է "հավելյալ արժեք". տնտեսագիտությունից տեղյակ չէ:

Դե ՀԽ-ի, ԳԽ-ի և բուհի ղեկավարության կողմից ինձ դատապարտելու համար էլ դեռ կլռեմ, դեռ, և անհրաժեշտության դեպքում կանդրադառնամ այդ մտքի հեղինակի խայտառակ "հրապարակային" պարզաբանմանը և ինձ դատապարտել փորձողներին...

Ի դեպ նշեմ, որ Հոգաբարձուների խորհրդում հայտնաբերեցի ևս մեկին, ով ամբիոնի վարիչ լինելով և ընդգրկված լինելով ֆակուլտետային խորհրդի մեջ իրավունք չունի ՀԽ անդամ լինել...

Ես իրավունք ունեմ իմ կարծիքը ազատ հայտնելու... Այդ զինանշանը ես չեմ հավանել, լավ կլիներ՝ ամբիոններ ուղարկված լիներ ոչ միայն տարբերանշանը, այլ վերջինիս կից գրավոր մեկնաբանություն ևս լիներ կամ նույն անձը հանդիպեր պրոֆեսորադասախոսական կազմի հետ՝ իր պարզաբանումները ներկայացնելու համար: Պատմաբանների հետ հանդիպումն օգտակար կլիներ:

Ինձ բոցաշունչ պատասխանող երիտասարդին խորհուրդ կտամ զուսպ լինել և սառը ցնցուղ ընդունել՝ չափը ճանաչել. ոչ իմ մեղքով ընդամենը տեղյակ չեմ եղել, որ նա ուսանող չէ... Մամուլում (https://168.am/2024/02/28/2003940.html) ամիսներ առաջ նյութ էր հրապարակվել, որ նշված անձը, ուսանող չլինելով, ՇՊՀ ՀԽ-ի անդամ է և այդ մասին հերքում չեմ կարդացել...»