Ամերիկացիները կրկին առաջարկում են նշաձող իջեցնել․ Անդրանիկ Թևանյան

«Մայր Հայաստան» դաշինքի ղեկավար Անդրանիկ Թևանյանը ֆեյսբուքյան իր էջում գրում է․

«Հայաստանի նշաձողը․ չակնկալիքների քաղաքականություն

Երբ պաշտոնական Վաշինգտոնից հնչում է տեսակետ, որ հանուն խաղաղության Հայաստանն ու Ադրբեջանը պետք է բարդ ընտրություններ և բարդ փոխզիջումներ կատարեն, դա «թարգմանաբար» նշանակում է, որ Նիկոլ Փաշինյանին կոչ են անում գնալ հերթական միակողմանի զիջումների, որոնք, սակայն, չեն հանգեցնելու խաղաղության։ Այսինքն՝ Նիկոլ Փաշինյանին առաջարկում են Հայաստանի համար չակնկալիքների պայքար մղել՝ փոխարենը խոստանալով աչք փակել ոստիկանապետություն կառուցելու և մարդու իրավունքները բռնաբարելու վրա։

ԱՄՆ–ը «ժողովրդավարական ռասիզմ» է բանեցնում Հայաստանի դեմ։

Վաշինգտոնի ուզածը Ռուսաստանին մեր տարածաշրջանից հեռացնելն է։ Դրա գինը մինչև 2023–ի սեպտեմբեր Արցախն էր։ Հիմա անցել են Հայաստանով վճարելու ռեժիմին։

Ո՞վ է հիմա հիշում Կիրանցի մասին։

Հ․Գ․։ Արցախը հանձնելուց առաջ Ֆրանսիայի նախագահ Մակրոնը Փաշինյանին համարում էր համարձակ տղա և խրախուսում նրան։ Շարլ Միշելն էլ խոստանում էր Նիկոլի համարձակ քայլերի շրջանակներում պաշտպանել «Ղարաբաղի էթնիկ հայերի» իրավունքները։ Էս երկուսով գլուխ բերեցին Արցախի հանձնումը։

Հիմա ամերիկացիները կրկին առաջարկում են նշաձող իջեցնել։ Այս անգամ Հայաստանի կարգավիճակի նշաձողը։ Փոխարենը խոստանում են «խաղաղություն» և «Հայաստանի էթնիկ հայերի պաշտպանություն»։

Ո՞վ է հիշում Կիրանցի ճանապարհի, չշահագործվող դպրոցի և այդ դպրոցին կից տնկվելիք ծառերի մասին»։