Ուկրաինայի վրա ռուսական ավիահարվածի հետևանքով` 20 մարդ է զոհվել, 50-ը վիրավորվել է (լուսանկարներ)
Հայկական Մամուլ
Ուկրաինայի վրա ռուսական ավիահարվածի հետևանքով` 20 մարդ է զոհվել, 50 մարդ վիրավորվել է։ Այս մասին հայտնում է Ուկրաինայի ՆԳՆ-ն։
Այսօր առավոտյան ռուսական ռազմական ավիացիան հրթիռային հարվածներ է հասցրել Ուկրաինայի Կիև, Դնեպր և Կրիվոյ Ռոգ քաղաքներին։ Արդյունքում՝ Կիևում ավերվել է բազմահարկ բնակելի շենքի մի մասը։
Ահազանգից անմիջապես հետո դեպքի վայր են ժամանել շտապօգնության և հրշեջ-փրկարարական ջոկատները, ինչպես նաև ոստիկանության աշխատակիցները։ Հաղորդվում է, որ մայրաքաղաքում հրթիռակոծությունների հետևանքով՝ 7 մարդ է զոհվել։ Հրթիռների մի մասն ընկել է մայրաքաղաքի Շևչենկոյի շրջանում։
Օդային հարվածների են ենթարկվել նաև Դնեպր և Կրիվոյ Ռոգ քաղաքները։ Դնեպրի Ավիատորսկի շրջանում հրթիռներից մեկն ընկել է խոշորագույն օդանավակայաններից մեկի մոտ։ Կրիվոյ Ռոգում 10 մարդ է զոհվել, 31-ը՝ վիրավորվել։
Հաղորդվում է, որ 10 տուժածի վիճակը ծանր է։
Բացի այդ, հրթիռային հարձակումների են ենթարկվել Սոլոմենսկի, Դնեպրի և Գոլոսեևսկի շրջանները։
Հարձակման ժամանակ հիմնականում օգտագործվել են «Կինժալ» հրթիռային համակարգեր։
Հաղորդվում է, որ հրթիռային հարվածները շարունակվում են։
Ամենադիտված 
ՀՀ ՊՆ–ն հայտարարություն է տարածել
