Իգա Շվյոնտեկը՝ Ռոլան Գարոսի հաղթող

Աշխարհի առաջին ռակետ, լեհ թենիսիստուհի Իգա Շվյոնտեկը դարձել է Ֆրանսիայի բաց առաջնության 2024 թվականի հաղթող։ Այս մասին հայտնում է armsport.am-ը։

 Նա այսօր՝ հունիսի 8-ին, երկու սեթում 6։2, 6։1 հաշվով հաղթեց WTA-ի դասակարգման աղյուսակի 15-րդ հորիզոնականը զբաղեցնող Յասմին Պաոլինիին։

Իգա Շվյոնտեկի համար սա 4-րդ հաղթանակն է Ռոլան Գարոսում: Լեհ թենիսիստուհին այս մրցաշարում հաղթել է նաև 2020, 2022 և 2023 թվականներին։

 Բացի այդ 2022 թվականին նա մեկ անգամ դարձել է նաև ԱՄՆ բաց առաջնության չեմպիոն։ Նա հաղթել է Մեծ Սաղավարտի մրցաշարերում իր բոլոր հինգ եզրափակիչներում։