Ընդդիմությունը արտահերթ նիստ է հրավիրել՝ Փաշինյանի կառավարության հրաժարականի ուղերձի օրակարգով. քվորում չկա

Այսօր երեկոյան՝ 18.30, ընդդիմադիր «Հայաստան» և «Պատիվ ունեմ» խմբակցությունների նախաձեռնությամբ հրավիրված է ԱԺ արտահերթ նիստ, որի օրակարգում կառավարության հրաժարականի մասին ուղերձի նախագիծն է, որպեսզի նիստը կայանա՝ անհրաժեշտ է, որ նիստին ներկա լինի 54 պարտամավոր, սակայն իշխող մեծամասնությունը հայտարարել է արտահերթ նիստին չներկայանալու մասին՝ այն որակելով կեղծ օրակարգ։ Ըստ այդմ, քվորումի բացակայության պատճառով արտահերթ նիստը չի կայանա։

Նշենք նաև, Բագրատ Սրբազանի առաջնորդությամբ «Տավուշն հանուն հայրենիքի» շարժման աջակիցները հավաքվում են ԱԺ մոտ՝ Բաղրամյան-Դեմիրճյան փողոցների խաչմերուկում հանրահավաքի մասնակցելու համար։