ՌԴ ՀՕՊ-ն անցած գիշեր 114 ԱԹՍ է խոցել

ՌԴ հակաօդային պաշտպանության համակարգը հունիսի 20-ի՝ լույս 21-ի գիշերը որսացել է ավելի քան 100 ուկրաինական անօդաչու թռչող սարք։ Այս մասին ասվում է ՌԴ ՊՆ մամուլի ծառայության Telegram-ի ալիքում։

«Անցած գիշեր Ղրիմի Հանրապետության, Կրասնոդարի երկրամասի և Վոլգոգրադի մարզում հերթապահ հակաօդային պաշտպանության համակարգերը որսացել և ոչնչացրել են 114 անօդաչու թռչող սարք»,- ասվում է հաղորդագրության մեջ։

Պաշտպանության նախարարությունը պարզաբանել է, որ 70 անօդաչու թռչող սարք է որսացել Ղրիմում և Սև ծովում, 43-ը՝ Կրասնոդարի երկրամասում, և 1-ը՝ Վոլգոգրադի մարզում։