ՆԱՏՕ-ն Ռուսաստանի թշնամին է․ Պեսկով

ՆԱՏՕ-ն Ռուսաստանի համար այս պահին թշնամական դաշինք է, հայտարարել է ՌԴ նախագահի մամուլի քարտուղար Դմիտրի Պեսկովը։

Պեսկովը նաև համոզմունք է հայտնել, որ ՆԱՏՕ-ի նոր գլխավոր քարտուղար Մարկ Ռյուտեի պաշտոնավարման ընթացքում Հյուսիսատլանտյան դաշինքի գործելաոճն ու Ռուսաստանի հետ հարաբերությունները չեն փոխվի։

«Դժվար թե դրանով փոփոխություններ արձանագրվեն ՆԱՏՕ-ի որդեգրած քաղաքականությունում, որը ԱՄՆ թելադրանքով գործող դաշինքի անդամ երկրների, նաև ընդհանուր   դաշինքի կողմից, միտված է Ռուսաստանի Դաշնության ռազմավարական զսպմանը։ Այս պահի դրությամբ ՆԱՏՕ-ն մեզ համար թշնամական դաշինք է»,- ասել է Պեսկովը։