Վերանորոգվում է Պատանի հանդիսատեսի թատրոնը (տեսանյութ)
Հայկական ՄամուլԵրևանի պատանի հանդիսատեսի թատրոնը, որտեղ գործում են նաև ստեղծագործական կենտրոններ, վերանորոգվում է: Առաժմ շինարարություն է փորձասենյակների, միջանցքների ու սանհանգույցների հատվածում: Այս մասին հայտնում է Երևանի քաղաքապետարանը:
«Նախկինում անցկացված օդափոխության համակարգն ամբողջությամբ փոխվում է, անցկացվում է հովացման և ջեռուցման նոր համակարգ»,- ասում է աշխատանքների ղեկավարը:
Վերանորոգման հաջորդ՝ առավել ընդգրկուն փուլն ընդգրկում է դահլիճն ու բեմը: Որոշ հատվածի փայտե կառուցվածքների կազմաքանդումն արդեն սկսել են, որովհետև այլևս ենթակա չեն շահագործման:
«Ավարտը նախատեսվում է 2025 թվականին: Պետք է առավելագույն ջանքեր գործադրենք, որ կարողանանք մեր երևանցիներին նորովի վերադարձնել Պատանի հանդիսատեսի թատրոնը»,- նշում է Արմեն Հարությունյանը:
Կվերականգնվեն նաև շենքի արտաքին պատերը՝ չխախտելով ճակատի ճարտարապետական կերպը: Շուրջ մեկ դար առաջ հիմնադրված թատրոնը վերանորոգումից հետո կներկայանա ամբողջությամբ արդիականացված:
Ամենադիտված 
Ռուսաստանը քաղաքացիությունից կզրկի այն միգրանտներին, ովքեր զինվորական երդում չեն տվել
