Թուրքիայում սիրիացի փախստականների դեմ զանգվածային ցույցեր են (լուսանկարներ, տեսանյութ)
Հայկական ՄամուլԱնցած շաբաթվա վերջին, ինչպես հայտնել ենք, Թուրքիայի Կայսերի նահանգում սիրիացի փախստական է ձերբակալվել իր հնգամյա ազգականին բռնաբարելու համար։
Երեխաների նկատմամբ բռնության մասին հաղորդագրությունը արագ տարածվեց սոցիալական ցանցերում՝ առաջացնելով տեղի բնակիչների զայրույթը և զանգվածային բողոքի ցույցերի հանգեցնելով։
Կենտրոնական Անատոլիայում մարդիկ այրել են Սիրիայի քաղաքացիների մեքենաներն ու առևտրի տաղավարները։
Թուրքիայի ներքին գործերի նախարար Ալի Երլիքայան հայտարարել է տասնյակ ձերբակալվածների մասին։
«Քաղաքացիները ապօրինի հավաքվել են՝ վնաս պատճառելով սիրիացիների տներին, աշխատավայրերին և մեքենաներին»,- ասել է նախարարը՝ հայտարարելով տեղի ոստիկանության կողմից հետաքննություն սկսելու մասին։
Թուրքիայի նախագահ Ռեջեփ Թայիփ Էրդողանը ընդդիմությանը մեղադրել է ատելություն սերմանելու մեջ և խոստացել պայմաններ ստեղծել սիրիացիների հայրենիք վերադառնալու համար։ Նա նշել է, որ փախստականների նկատմամբ այլատյացությունն ու ատելությունը դրական արդյունքների չեն բերում։
Կայսերիում տեղի ունեցած անկարգությունները բացասական արձագանք են առաջացրել Սիրիայում։
Ատրեբում տեղի բնակիչները բողոքի ցույց են անցկացրել թուրքական բանակի դեմ։ Սահմանին այրել են Թուրքիայի դրոշը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
