Բայրամովը ԵԱՀԿ նախագահի հետ քննարկել է հայ-ադրբեջանական հարաբերությունները

Հեռախոսազրույց է տեղի ունեցել Ադրբեջանի արտաքին գործերի նախարար Ջեյհուն Բայրամովի և Մալթայի Հանրապետության արտաքին գործերի նախարար և ԵԱՀԿ գործող նախագահ Իեն Բորջի միջև։

Հեռախոսազրույցի ընթացքում քննարկվել են ԵԱՀԿ օրակարգային հարցեր, ինչպես նաև տարածաշրջանում տիրող իրավիճակը։

«Բայրամովը իր զրուցակցին տեղեկացրել է հետհակամարտային շրջանում տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորման գործընթացի և խնդիրների նկատմամբ Ադրբեջանի մոտեցումների մասին»,– ասվում է հաղորդագրության մեջ։