ՌԴ ՊՆ կադրերի վարչության պետի տանը 100 մլն ռուբլի է հայտնաբերվել

ՌԴ իրավապահները խուզարկությունների ժամանակ ավելի քան 100 միլիոն ռուբլի են հայտնաբերել ՌԴ ՊՆ գլխավոր վարչության պետ Յուրի Կուզնեցովի տանը։ Այս մասին Lenta.ru-ին հայտնել է Ռուսաստանի Քննչական կոմիտեի պաշտոնական ներկայացուցիչ Սվետլանա Պետրենկոն։

Կուզնեցովի փաստացի բնակության և գրանցման վայրում հայտնաբերվել են նաև ոսկե մետաղադրամներ, կոլեկցիոն ժամացույցներ և շքեղ իրեր։

Նրա ձերբակալության մասին հայտնի է դարձել մայիսի 14-ի առավոտյան։ Կուզնեցովը մեղադրվում է Ռուսաստանի Դաշնության Քրեական օրենսգրքի 290-րդ հոդվածի 6-րդ մասով («Առանձնապես խոշոր չափերով կաշառք ստանալը»): Այս հոդվածով նրան սպառնում է մինչև 15 տարվա ազատազրկում։

Կուզնեցովը զբաղեցրել է ՌԴ ՊՆ գլխավոր վարչության պետի պաշտոնը 2023 թվականին։ Ավելի վաղ 13 տարի ղեկավարել է ՌԴ ԶՈՒ գլխավոր շտաբի 8-րդ բաժինը, որը պատասխանատու է պետական ​​գաղտնիքի պաշտպանության համար։