Տիգրան Ավինյանի «ռեյդը» երևանցիների դեմ

Երևանի քաղաքապետարանի աշխատակիցներն այսօր ռեյդեր էին կատարում Երևանի փողոցներով` թույլ չտալով փողոցային առևտուրը։ Մաշտոցի պողոտայում գտնվող «Երևան Սիթի» սուպերմարկետի մայթին մանր առևտրով զբաղվողները փորձեցին ընդդիմանալ քաղաքապետարանի աշխատակիցներին` թույլ չտալով առգրավել իրենց ապրանքը։ Մի պահ նույնիսկ քաշքշուկ սկսվեց նրանց միջև։ Քաղաքապետարանի աշխատակիցների հարցին, թե ինչու իրենց ապրանքը շուկայում չեն վաճառում, վաճառականները պատասխանեցին` շուկաներ չկան, իրենք էլ ինչ–որ ձևով պետք է կարողանան ապրել։

Եվ իսկապես, եթե իշխանություններն այդպես պահեին Ոսկեպարը կամ Տավուշի մյուս գյուղերը, ինչպես պայքարում են խեղճ ու կրակ առևտրականների դեմ, ապա այսօր դժվար թե թուրքի աչքը հայկական հողերի վրա լիներ: Սակայն, Ավինյանի ու թիմակիցների ուժը, ինչպես տեսնում ենք, պատում է միայն առևտրականների վրա, որոնց, առանց որևէ համարժեք և վերջիններիս կողմից ընդունելի այլընտրանքի, զրկում են օրվա հացը վաստակելու հնարավորությունից: Ծառերի սպանդից քաղաքապետարանը սահուն անցում կատարեց առևտրականների գրպանին հարվածելուն, ինչպես ասում են՝ շնաձկերին թողած՝ շերեփուկների հետևից են ընկել: Ակնհայտ է, որ ավագանու ընտրություններից հետո նորաթուխ քաղաքապետից երևանցիներն այդպես էլ մի դրական քայլ չտեսան․ մեկ կարմիր գծերն են թանկացնում, մեկ թթվածնից զրկում, հիմա էլ որոշել են օրվա հացից զրկել: Ինչպես կասեր դասականը՝ արդյո՞ք սրա համար էիք պայքարում, պարոնայք...

Այս թեմայով Ադրբեջանը խոշոր մասշտաբներով զինվում է, որպեսզի հասնի ՀՀ-ին իջեցված նախապայմանների բավարարմանը. Տիգրան Աբրահամյան Ադրբեջանը խոշոր մասշտաբներով զինվում է, որպեսզի հասնի ՀՀ-ին իջեցված նախապայմանների բավարարմանը. Տիգրան Աբրահամյան Երևան` մուտքը կդառնա վճարովի՞. «Հրապարակ» «Իրավունք». Ավինյանն ասել է՝ տղավարի չի թիմակիցների «պադմոշկեքը», դուք էիք ժամանակին խնդրել գալ, տեր կանգնել քաղաքին «Մինչև 2027-2028 թթ. Երևանում բոլոր հին վերելակները պետք է փոխարինված լինեն». Ավինյան