Լեհաստանի նախագահին հիշեցրել են անխուսափելի հրաժարականի մասին

Սահմանադրության օրը Լեհաստանի վարչապետ Դոնալդ Տուսկը հիշեցրել է երկրի նախագահ Անջեյ Դուդային, որ նա շուտով հրաժարական կտա։ Այս մասին Լեհաստանի կառավարության ղեկավարը գրել է X սոցիալական ցանցում։

«Լսելով նախագահ Դուդայի այսօրվա եզրափակիչ ելույթը մայիսի 3-ի կապակցությամբ, եկեք հիշենք նախագահական երդման խոսքերի իմաստը. «Ես հանդիսավոր կերպով երդվում եմ, որ հավատարիմ կլինեմ սահմանադրության դրույթներին»», - գրել է Տուսկը։

Լեհաստանի վարչապետը նաև կոչ է արել Լեհաստանին ընտրել այնպիսի նախագահ, որը հավատարիմ կլինի այս երդմանը։

Դուդան և Տուսկը պատկանում են հակադիր քաղաքական ուժերի, ինչը դժվարացնում է կառավարության աշխատանքը։ Օրինակ՝ Դուդան հրաժարվում է ստորագրել կաբինետի կողմից նախաձեռնված և խորհրդարանի կողմից ընդունված օրենքները։