Եվրոպան և ԱՄՆ-ն 5 տարի հետո միջուկային զենքով նոր համաշխարհային պատերազմ են ակնկալում․ Guardian

Եվրոպական երկրների և Միացյալ Նահանգների բնակիչների մոտ կեսը կարծում է, որ 5-10 տարի հետո նոր համաշխարհային պատերազմ կսկսվի։ Հարցվածները չեն բացառել միջուկային զենքի օգտագործումը նման հակամարտությունում։ Այս մասին գրում է բրիտանական The Guardian թերթը՝ վկայակոչելով YouGov-ի հարցման տվյալները։

«Հարցված եվրոպական հինգ երկրներում՝ Մեծ Բրիտանիայում, Ֆրանսիայում, Գերմանիայում, Իտալիայում և Իսպանիայում հարցվածների 41%-55%-ը նշել է, որ կարծում է, որ հաջորդ 5-10 տարվա ընթացքում նոր համաշխարհային պատերազմ կլինի: Այս տեսակետը կիսում է ամերիկացիների 45%-ը»,- ասվում է հրատարակության մեջ:

Օրինակ՝ ԱՄՆ-ում այս կարծիքին է հարցվածների 45%-ը, Մեծ Բրիտանիայում՝ 41%-ը, Ֆրանսիայում՝ 55%-ը։

Նշվում է, որ վերոնշյալ եվրոպական երկրներում և ԱՄՆ-ում հարցվածների մեծ մասը (68%-76%) կարծում է, որ ցանկացած նոր հակամարտություն կներառի միջուկային զենքի կիրառում։