Լեհաստանը Ռուսաստանին մեղադրել է նախագահական ընտրություններին միջամտելու մեջ

Լեհաստանի փոխվարչապետ, թվայնացման նախարար Քշիշտոֆ Գավկովսկին Ռուսաստանին մեղադրել է Լեհաստանի նախագահական ընտրություններին միջամտելու մեջ։ Նրա խոսքերը մեջբերում է Reuters-ը։

«Լեհաստանը կանգնած է նախագահական ընտրություններին միջամտելու Ռուսաստանի աննախադեպ փորձի առաջ»,- ասել է նա։

Նախկինում Mysl Polska ամսագիրը գրել էր, որ Եվրամիությունը կարող է միջամտել Լեհաստանի նախագահական ընտրություններին։ Հրատարակությունը նշել է, որ Ռումինիայում և Ֆրանսիայում տեղի ունեցած վերջին քաղաքական իրադարձությունները հուշում են, որ դրանք կարող են կրկնվել Լեհաստանի նախագահական ընտրություններում։

Լեհաստանի նախագահական ընտրությունները կանցկացվեն մայիսի 18-ին, իսկ երկրորդ փուլը անհրաժեշտության դեպքում՝ հունիսի 1-ին: Գործող օրենսդրության համաձայն՝ երկրի ներկայիս ղեկավար Անջեյ Դուդան չի կարող վերընտրվել, քանի որ այս պաշտոնում զբաղեցրել է երկու ժամկետ անընդմեջ։