Մեծ Բրիտանիան գործողությունների նոր ծրագիր է պատրաստում Ռուսաստանի հետ պատերազմի համար

Մեծ Բրիտանիան մշակում է պատերազմի դեպքում արտակարգ իրավիճակների իր պլանի թարմացված տարբերակը: Այս մասին հայտնում է բրիտանական The Daily Telegraph թերթը։

Պաշտպանության ազգային ծրագիրը նախանշելու է այն գործողությունների հաջորդականությունը, որոնք պետք է ձեռնարկվեն թագավորության վրա հնարավոր հարձակումից հետո առաջին օրերին: Գաղտնի դոսյեն կորոշի բրիտանական կառավարության արձագանքը պատերազմի հայտարարմանը, և թե որ բունկերներ կուղարկվեն նախարարների կաբինետի և թագավորական ընտանիքի անդամները:

The Telegraph-ը նշում է, որ պլանը դժվար թե հրապարակվի։ Փաստաթուղթը պարունակում է մի քանի սցենարներ, այդ թվում՝ հարձակում Մեծ Բրիտանիայի վրա՝ սովորական և միջուկային հրթիռների կիրառմամբ։ Առաջին անգամ կվերլուծվի կիբերպատերազմի մի սցենար, որի սպառնալիքը նախկինում համարվում էր աննշան։

Նոր պլանի մշակման հիմնական պատճառը (նախորդը մշակվել է 2005 թվականին) «հարձակման սպառնալիքն է Ռուսաստանից»։