ՆԱՏՕ-ն և ԵՄ-ն Արևմուտքին նախապատրաստում են Ռուսաստանի հետ ուղղակի ռազմական հակամարտության. Շոյգու

ՆԱՏՕ-ն և Եվրամիությունը պատրաստվում են Ռուսաստանի հետ ուղղակի ռազմական հակամարտության: Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն «Ռոսիյսկայա գազետա»-ի համար հրապարակված հոդվածում։

Նրա հոդվածում նշվում է, որ եվրոպական վերնախավերը շարունակում են հայտարարել Ռուսաստանին ռազմավարական պարտության մատնելու անհրաժեշտության մասին։

«Այս անհանգստացնող աղմուկի ուղեկցությամբ ՆԱՏՕ-ն և Եվրամիությունը ծրագրեր են սկսել, որոնք ուղղված են հավաքական Արևմուտքին Ռուսաստանի հետ ուղղակի ռազմական հակամարտության նախապատրաստելուն»,- գրում է Շոյգուն։

Նրա խոսքով, այդ ագրեսիվ քայլերը, ներառյալ ՆԱՏՕ-ի ընդլայնումը, «գեբելսի քարոզչության լավագույն ավանդույթներով արդարացված են ռուսաֆոբ կեղծիքներով»։