ՄԱԿ-ը կողջունի Եմենում իրավիճակի լիցքաթափմանն ուղղված ցանկացած քայլ

ՄԱԿ-ը կողջունի Եմենում իրավիճակի լիցքաթափմանն ուղղված ցանկացած քայլ, ինչը դրական զարգացում կլինի։ Այս մասին հայտնել է համաշխարհային կազմակերպության գլխավոր քարտուղարի մամուլի խոսնակի տեղակալ Ֆարհան Հաքը՝ ի պատասխան ՏԱՍՍ-ի հարցման՝ մեկնաբանելու ԱՄՆ նախագահ Դոնալդ Թրամփի՝ հութի ապստամբների դիրքերին հարվածները դադարեցնելու մասին հայտարարությունը։

«Եմենում իրավիճակի ցանկացած լիցքաթափում դրական կլինի։ Եվ սա է այն, ինչին մենք սպասում ենք, և մենք կոչ ենք արել լիցքաթափման։ Հետևաբար, մենք կողջունենք այս ուղղությամբ ձեռնարկվող ցանկացած քայլ»,-ընդգծեց նա։