Կադիրովը խնդրել է իրեն ազատել Չեչնիայի ղեկավարի պաշտոնից

Չեչնիայի ղեկավար Ռամզան Կադիրովը հայտարարել է, որ խնդրել է իրեն ազատել պաշտոնից։ Այս մասին գրում է «Չեչնիա Թեդեյ» լրատվական գործակալությունը։

Լրագրողների հետ զրույցի ժամանակ՝ մեկնաբանելով իր պաշտոնանկության մասին լուրերը, Կադիրովն ասել է, որ շուտով կարող է հրաժարական տալ։

«Ես ինքս եմ խնդրել ազատել ինձ պաշտոնից։ Հուսով եմ, որ իմ խնդրանքը կընդունվի», - ասել է Կադիրովը։

Նա չի մանրամասնել, թե կոնկրետ ում է դիմել այդ խնդրանքով։