Կողմերը պետք է ներկայացնեն կոնկրետ առաջարկներ․ Պետդեպը նոր հայտարարություն է տարածել

Ուկրաինայում հակամարտության կարգավորման գործում առաջընթացի սպասելը չի ​​կարող հավերժ տևել։ Այս մասին ճեպազրույցի ժամանակ հայտարարել է Պետդեպարտամենտի խոսնակ Թեմի Բրյուսը, հաղորդում է «ՌԻԱ Նովոստի»-ն։

«Կողմերը պետք է ներկայացնեն իրենց կոնկրետ առաջարկները կայուն խաղաղության հասնելու համար։ Մենք հետևում ենք նրանց առաջընթացին։ Ինչպես ԱՄՆ նախագահն ասաց , այն գոյություն ունի», -ընդգծեց նա։ Բրյուսը նաև հավելեց, որ կարգավորման սպասումը «չի կարող հավերժ տևել»։