Հնդկաստանը հրթիռակոծել է Պակիստանը. կան զոհեր
Աշխարհ
Հնդկաստանը հայտարարել է, որ հրթիռային հարվածներ է հասցրել Պակիստանում գտնվող ինը օբյեկտի։ Ըստ Պակիստանի զինված ուժերի՝ Հնդկաստանի հարվածների հետևանքով զոհվել է 26 քաղաքացիական անձ, վիրավորվել՝ 46-ը։
Պակիստանի իշխանությունների տվյալներով՝ հրթիռները հարվածել են մի շարք վայրերի՝ վնասելով չորս մզկիթ և մեկ բժշկական կենտրոն։
Պակիստանը նաև հայտարարել է, որ խոցել է հնդկական հինգ օդանավ, այդ թվում՝ երեք Rafale, մեկ ՍՈւ-30 և մեկ ՄիԳ-29:
Հնդկաստանի զինված ուժերը հայտնել են, որ հարվածները եղել են «Սինդուր» անվանումը կրող ռազմական գործողության շրջանակում՝ ուղղված Պակիստանում և Պակիստանի կողմից օկուպացված Ջամմու և Քաշմիրում տեղակայված զինյալների ենթակառուցվածքների դեմ։
«Հնդկաստանի զինված ուժերը սկսել են «Սինդուր» գործողությունը՝ հարվածներ հասցնելով ահաբեկչական ենթակառուցվածքներին, որոնք օգտագործվում էին Հնդկաստանի տարածքի դեմ ուղղված հարձակումների պլանավորման և իրականացման նպատակով»,– նշվում է Հնդկաստանի պաշտոնական հայտարարությունում։
«Սինդուր գործողությունը», ինչպես Հնդկաստանն անվանում է Պակիստանի վրա հարվածները, երկրի պատասխանն է ապրիլի 22-ին Պահալգամում 26 մարդու կյանք խլած ահաբեկչական հարձակմանը, որի մեջ Նյու Դելին մեղադրում է Իսլամաբադին։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
