Կիևի անդամակցությունը ԵՄ-ին անվտանգության ուժեղ երաշխիք կլինի․ ԵՀ նախագահ

Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Ուկրաինայի անդամակցությունը Եվրամիությանը կլինի Կիևի անվտանգության ամուր երաշխիք և խաղաղություն հաստատելու քայլ։ Նրա խոսքերը մեջբերում է European Pravda-ն։

«Մենք պետք է արագացնենք Ուկրաինայի ուղին դեպի մեր միությանն անդամակցելը: Դա միայն Ուկրաինայի ձգտումը չէ, դա կարող է լինել անվտանգության ամենաուժեղ երաշխիքը», - ասել է ֆոն դեր Լեյենը:

Նա ընդգծել է, որ Ուկրաինայում հակամարտությունը վաղ թե ուշ կավարտվի, սակայն դրա արդյունքները կձևավորեն եվրոպական մայրցամաքի ապագան մի քանի սերունդների համար։