Սլովակիայի վարչապետը մեկնաբանել է ԵՄ-ի՝ Ռուսաստանի էներգետիկ ռեսուրսներից հրաժարվելու ցանկությունը

Սլովակիայի վարչապետ Ռոբերտ Ֆիցոն «տնտեսական ինքնասպանություն» է անվանել Եվրամիության՝ Ռուսաստանի էներգետիկ ռեսուրսներից հրաժարվելու ցանկությունը: Այս մասին նա հայտարարել է մամուլի ասուլիսում, փոխանցում է ՌԻԱ Նովոստին։

«Տնտեսական ինքնասպանություն է գալ այն կետին, երբ չկա գազ, չկա նավթ, չկա միջուկային վառելիք, ոչինչ (Ռուսաստանից- խմբ․) միայն այն պատճառով, որ ինչ-որ նոր երկաթե վարագույր է կառուցվում արևմտյան աշխարհի և, հնարավոր է, Ռուսաստանի Դաշնության ու այլ երկրների միջև», - ասել է Ֆիցոն: