Եվրախորհրդարանը սպառնում է դատի տալ Եվրահանձնաժողովին

Եվրախորհրդարանը սպառնում է դատի տալ Եվրոպական հանձնաժողովին պաշտպանական ծախսերի համար։ Այս մասին հայտնում է Politico հրատարակության եվրոպական տարբերակը։

«Խորհրդարանը պատրաստ է դատի տալ Berlaymont-ին [Եվրահանձնաժողովի շտաբ-բնակարանը-խմբ․]՝ ԵՄ գործադիրի պլանների պատճառով՝ անտեսելու Եվրախորհրդարանի ընտրված անդամներին պաշտպանական ծախսերի հարցում»,- գրում է հրատարակությունը՝ վկայակոչելով ԵՄ մարմինների աղբյուրներին։

Նշվում է, որ Եվրախորհրդարանի նախագահ Ռոբերտա Մեցոլան գրավոր հայտարարություն է ներկայացրել Եվրահանձնաժողովի ղեկավար Ուրսուլա ֆոն դեր Լեյենին՝ «Եվրոպայի վերազինման» համար 150 միլիարդ եվրո ներգրավելու իրավական հիմքը փոխելու խնդրանքով։ Մեցոլան պահանջում է, որ այս ակտը չընդունվի՝ շրջանցելով Եվրախորհրդարանը։