Գերմանիայում Մերցին կոչ են արել «քաջություն» ցուցաբերել

Berliner Zeitung-ը կոչ է արել Գերմանիայի նոր կանցլեր Ֆրիդրիխ Մերցին Մայիսի 9-ին մեկնել Մոսկվա:

Լրագրողների կարծիքով՝ վերջին երեք տարիների ընթացքում Գերմանիան քաղաքական առումով դրական տպավորություն չի թողել, իսկ նրա դիրքերը միջազգային ասպարեզում թուլացել են, ուստի կառավարության նոր ղեկավարին անհրաժեշտ է «քաջություն» ցուցաբերել:

«Մերցը պետք է մատուցի իր առաջին խոշոր դիվանագիտական անակնկալը։ Նոր կանցլերը Մայիսի 9-ին՝ Հաղթանակի օրը, պետք է մեկնի Մոսկվա։ Ոչ թե Ռուսաստանի նախագահ Վլադիմիր Պուտինի շքերթներին մասնակցելու, այլ հստակ խոսքեր գտնելու և միևնույն ժամանակ բաց պահելու այն դուռը, որն Արևմուտքը վաղուց էր ցանկանում փակել», - ասվում է հրապարակման մեջ։