Ուզբեկստանի նախագահը կայցելի Մոսկվա

Ուզբեկստանի նախագահ Շավքաթ Միրզիյոևը մայիսի 8-9-ը աշխատանքային այցով կմեկնի Մոսկվա՝ մասնակցելու Հաղթանակի 80-ամյակի տոնակատարություններին, հայտնում է Ուզբեկստանի ղեկավարի մամուլի ծառայությունը։

«Ռուսաստանի Դաշնության նախագահ Վլադիմիր Պուտինի հրավերով Ուզբեկստանի Հանրապետության նախագահ Շավքաթ Միրզիյոևը այս տարվա մայիսի 8-9-ը աշխատանքային այցով կայցելի Մոսկվա քաղաք», - ասվում է հաղորդագրության մեջ։

Այցի ծրագրի համաձայն՝ Միրզիյոևը կմասնակցի Հայրենական մեծ պատերազմում Հաղթանակի 80-ամյակի առթիվ կազմակերպվող հանդիսավոր միջոցառումներին, ինչպես նաև կունենա մի շարք երկկողմ հանդիպումներ, հավելել են մամուլի ծառայությունում։