Ֆինլանդիան զորավարժություններ կանցկացնի Ռուսաստանի սահմանների մոտ

Ֆինլանդիայում՝ Ռուսաստանի հետ սահմանի մոտ, մայիսի 12-ից 16-ը կանցկացվեն ցամաքային զորավարժություններ, որոնց կմասնակցի 1300 զինծառայող և 280 միավոր տեխնիկա, հայտնում են Ֆինլանդիայի ցամաքային ուժերը։

«Զինված ուժերի «Կայնուու Մեցո» 1/25 բրիգադի ստորաբաժանումների զորավարժությունները տեղի կունենան (Վուոսանկա վարժարանում - խմբ.) Կուհմոյում մայիսի 12-ից 16-ը», - ասվում է հայտարարության մեջ։

Ինչպես նշվում է հաղորդագրության մեջ, զորավարժություններին կմասնակցեն կապի, լոգիստիկայի, հետևակային և ինժեներական ստորաբաժանումների, Հյուսիսային Կարելիայի սահմանապահ ջոկատի մոտ 1,3 հազար զինծառայողներ, ինչպես նաև մոտ 280 միավոր տեխնիկա։