Էստոնիան փակել է իր երկինքը Ֆիցոյի ինքնաթիռի համար

Սլովակիայի վարչապետ Ռոբերտ Ֆիցոն հայտարարել է, որ Էստոնիան թույլ չի տվել իր ինքնաթիռը թռչի այդ երկրի տարածքով։

«Մի քանի րոպե առաջ Էստոնիան մեզ տեղեկացրեց, որ թույլ չի տա թռչել իրենց տարածքի վրայով։ «Իհարկե, սա միտումնավոր փորձ է խափանելու իմ այցը Մոսկվա՝ Երկրորդ համաշխարհային պատերազմի ավարտի 80-ամյակի պաշտոնական տոնակատարության կապակցությամբ»,- նշել է Ֆիցոն ֆեյսբուքյան իր էջում հրապարակված հայտարարության մեջ։

Նա նաև նշել է, որ Էստոնիան այս որոշումը կայացրել է՝ չնայած Սլովակիան թույլտվություն ունի այդ երկրի օդային տարածքն օգտագործելու համար։ Արդյունքում նա չի հասցնի մասնակցել մայիսի 8-ի երեկոյան Մոսկվայում նախատեսված միջոցառումներին։

«Սակայն այս պահին մենք անում ենք հնարավոր ամեն ինչ այլ այլընտրանքային ճանապարհ գտնելու համար...»,- հավելել է նա։

Սլովակյան Pravda հրատարակությունը, վկայակոչելով դիվանագետներին, գրում է, որ Լատվիան և Լիտվան նույնպես այդպիսի որոշում են ընդունել։ Լատվիայի ԱԳՆ-ն իր որոշումը բացատրել է նրանով, որ Մոսկվայում տոնակատարությունը համարում է «քարոզչական իրադարձություն», և դրան մասնակցելը «անհամատեղելի է Եվրամիության հիմնարար արժեքների հետ»։