Թրամփը պատրաստ է օգնել Հնդկաստանին և Պակիստանին հաղթահարել լարվածությունը

ԱՄՆ նախագահ Դոնալդ Թրամփը պատրաստ է օգնել Հնդկաստանի և Պակիստանի ղեկավարությանը հաղթահարելու երկու երկրների միջև լարվածության ներկայիս փուլը, որը ուղեկցվում է ռազմական ուժի կիրառմամբ։ Ամերիկացի առաջնորդը սա հաստատել է Սպիտակ տանը լրագրողների հետ զրույցում։

«Ես ուզում եմ, որ նրանք դադարեն։ Հուսով եմ՝ նրանք հիմա կկարողանան դադարել։ Նրանք միմյանց դեմ են եղել, և հուսով եմ՝ հիմա կկարողանան դադարել», - ասել էԹրամփը՝ մեկնաբանելով Նյու Դելիի և Իսլամաբադի միջև հարաբերությունների կտրուկ վատթարացումը։

«Եվ եթե ես կարողանամ ինչ-որ բան անել օգնելու համար, ես այնտեղ կլինեմ», - հավելել է Վաշինգտոնի վարչակազմի ղեկավարը՝ առանց մանրամասնելու իր խոսքերը։